Garrao del Facebook de David M. Rivas

 L’ Alvia daría un serviciu abondu ensin estrozar el mediu ambiente, ensin traer ruina económica salvo pa los de siempre y ensin finar col tren convencional, el que dexa equilibrios sociales y territoriales

La distancia ente Madrid y Murcia ye, más o menos, la mesma que la esistente ente Madrid y Asturies. Dende’l pasáu 17 de setiembre Renfe cubre la distancia ente Madrid y Murcia en 3 hores y 32 minutos, abondo menos que lo correspondiente al tren que percuerre’l camín ente Madrid y Xixón.

Resulta que la llínea con Asturies ye d’Ave ente Madrid y Llión, ente que la de Madrid con Murcia ye de Alvia. Sí, sí, el mesmu Alvia que tenemos los asturianos dende va años. Nun ye una Ave lo que fai’l percorríu Madrid-Murcia, non, ye un Alvia. ¿Inda nun queda claro que’l problema ye la vía y non la falacia de l’alta velocidá? ¿Nun queda yá claro que lo de l’alta velocidá ye un engañu y un placebu pa gobiernos inoperantes y sociedaes anestesiaes ya ignorantes como la nuesa? Dellos técnicos y profesores llevamos años diciéndolo ensin nenguna respuesta sacantes faigo de menos políticu y periodísticu, cuando non descalificaciones. L’ Alvia daría un serviciu abondu ensin estrozar el mediu ambiente, ensin traer ruina económica salvo pa los de siempre y ensin finar col tren convencional, el que dexa equilibrios sociales y territoriales.

This work is licensed under a Creative Commons Attribution 4.0 International License.