De magar les optimistes declaraciones del presidente del “Principado” son delles les voces que recalquen la hipocresía del PSOE n’Asturies, acusándolos de ser los principales responsables -xunto col gobiernu del Reinu d’España- de la desindustrialización del país
Nun fin d’añu catastróficu pa la industria, el campu y la pesca asturianos, el presidente del “Principado” unvía un mensaxe incongruente y allonxáu de toda rialidá. Con la firía de la mina recién presllada entá bien fresca, Alcoa a piques de desapaecer, con un futuru más que prietu p’Arcelor y AZSA y los trabayaores de Vauste movilizándose pa torgar el preslle de la so sede’n Xixón, Duro Felguera, otra vegada, en crísis, Chemastur despidiendo a los sos emplegaos y decenes de piqueñes empreses plantegándose’l preslle, el concursu d’acreedores o l’ERE (y eso ensin salir del sector industrial) Javier Fernández vien de declarar que “Asturies alcuéntra se na sienda de la recuperanza económica”, llamando a “fortalecer el corazón industrial d’Asturies”. Habrá que llamar a un cardiólogu de nivel, porque la cardiopatía industrial tien mala pinta, depués de cuarenta años de desindustrialización continua de la man del Principado ya’l Reinu d’España.
Pel so lláu y na mesma llinia, Adrián Barbón nun se queda cortu y algama cotes de surrealismu impensaes echándo flores al gobiernu del PSOE y amosándose arguyosu de que la situación na que s’alcuentra la minería asturiana seya gracies a ellos.
Llucía F. Marqués
This work is licensed under a Creative Commons Attribution 4.0 International License.
