Mentes la prensa del sistema fai un panexíricu arecista que raspia’l ridículu, les Redes Sociales vense apinaes de comentarios nos que la valoración del llegáu d’Areces nun ye precisamente bona.

” Morrió #Areces, ún de los mayores enemigos de la llingua, la cultura y la identidá asturiana. Ná que llamentar. “

” #Areces fixo más pol desaniciu industrial, cultural y escontra’l movimientu obreru d’Asturies que 40 años de franquismu.”

“Lamentar las empresas cerradas, familias en la calle, palos al obrero, ese fue un gran legado que dejó. #Areces“

“encarcelar sindicalistes, reprimir l’asturianu, pieslle d’empreses ensin alternativa, ataques ambientales, emigración de la mocedá, usu de la represión policial…#TiniAreces“

“morrió un paisanu responsable el y los sos collacios de que el mio pais te fundiu, casi toos sufrimos les consecuencies del lladronizu y el despreciu por Asturies, esti y ls so banda dexaronmos ensin futuru,que naide espere mio pena nin respetu. Voy tener el mesmu respetu que y tienen a los mios”

“Xunto con José Ángel Fernández Villa, Vicente Alberto Álvarez Areces ye’l responsable políticu del desaniciu social, industrial, cultural y políticu d’Asturies.”

 ”  luego hay que oír en la caja tonta, lo buenísimo, honrado, íntegro y demás que era. Vamos! Para vomitar!!!!”

” A ca gochín llega-y el so samartín”

Estes y frases entá más dures pudieron lleese nes Redes Sociales demientres tola xornada d’ayeri, mentes los medios de comunicación del sistema presentaben una versión dulzapaya del llegáu de Tini Areces.

El grau de rempuesta llegó fasta tal puntu que dende seutores del PSOE intentóse una campaña de rempuesta, que nun foi especialmente efeutiva, y na que llegaron a implicase cargos públicos, como Monchu García, conceyal del PSOE de Xixón, que viéndose ensin argumentación pa defender al fináu llegó direutamente al insultu ” ni del género humano parecéis, sois unos sinvergüenzas cobardes que no respetais nada” “carroñeros”…

En tou casu ello nun afeutó un res a la rempuesta popular, y siguieron los mensaxes acotando-y a Areces ” los miles d´asturianos forzaos a emigrar, la “reconversión” minera y naval, lo de Villa, lo del so amigu Riopedre, les Redes Clientelares, la represión llingüística… too una llienda urbana tres otra”.

Nel tarrén políticu, frente al blanqueamientu del so llegáu y la campaña mediática oficial, namás Andecha Astur s’atrevió a caltener la postura que vien defendiendo demientres tola vida, considerando a Areces como ún de los principales responsables de la situación que carez Asturies, recordando los casos de corrupción colos que tuvo rellacionáu, la so política de desindustrialización, de destruición del texíu socio-económicu asturianu, el paru y la precariedá, los miles d’asturianos obligaos a emigrar, la represión llingüística… afirmando que

“la muerte d’Areces nun lu llibra de la so responsabilidá hestórica. Nun pue permitise’l procesu de blanqueamientu del mísere llegáu que dexa p’Asturies, y lo que ye llamentable ye ver a formaciones polítiques que va dos díis denunciaben la so política y la so rellación cola corrupción, dándo-y el parabién agora que finó”

This work is licensed under a Creative Commons Attribution 4.0 International License.