Nun son pocos los problemes y retos, teunolóxicos y humanos, qu’el periodismu afronta nestos gafos tiempos. Asina entama’l  manifiestu, que recueye l’esmolecimientu de los periodistes pola crisis de credibilidá de los medios d’información, l’espoxigue de les «fake news», “noticies falses qu’esisten dende siempre pero s’esparden comu enxamás”, los 94 periodistes muertos nel 2018 nel exerciciu la so profesión, los 10.000 puestos de trabayu perdios nel estáu español demientres la cabera crisis y la precariedá de los sos emplegos.

Denuncien, más en concreto, l’acosu al que ta siendo sometíu los caberos 20 años el periódicu GARA. La cabera maniobra xudicial pa llevar a la quiebra esti periódicu, endemasiao allonxáu de la llinia oficial de lo “políticamente correcho” ye endosa-y la delda cola Seguridá Social del periódicu vascu “Egin” preslláu de manera illegal, sigún reconoció’l Tribunal Supremu, nel 1998, daqué que los firmantes del manifiestu consideramos “absurdo y que castiga inxustificadamente a esi mediu y a los sos trabayaores”.

Poro, tamién dende InfoAsturies, queremos solidarizanos colos nuesos compañeros y compañeres de GARA y defender el so drechu a facer periodismu ensin más torgues de les que ya carecen tolos periodistes de güei. Queremos sofitar la llibertá de prensa y la pluralidá.

Los periodistes tenemos abondos problemes presentes y retos futuros comu pa tener que tar esmolecios por pantasmes del pasáu.

Redaición InfoAsturies