Ente l’alarmante aumentu del númberu de cases d’apuestes n’Asturies, Nora Antifa entama una campaña de denuncia y concenciación del pelligru qu’estes suponen 

Col llema “cases d’apuestes non, fuera de los nuesos barrios” la campaña quier llamar l’atención sobro l’espoxigue d’un modelu de negociu que xuega cola precariedá ya’l desesperu de munchos asturianos que, ante la falta de perspeutives de futuru, caen nel engañu de les perres fáciles, “arriqueciendo miserables a cuenta de xente de clas obrera que consiguen engañar mediante tol montaxe publicitariu que les promociona, llevando a la ruina a munches families y faciendo que nun pare d’aumentar el númberu de xente mozo que sufre ludopatía”.

Pa Nora Antifa, esta triba de negociu “reflexa a la perfección el gloriosu sistema capitalista al que tamos sometíos” y la única forma d’enfrentase a ello ye la concenciación del problema y la espulsión de les cases d’apuestes de los barrios asturianos.

Nuria Prendes

This work is licensed under a Creative Commons Attribution 4.0 International License.