Asturies perdió en 31 años el 30% de la so representación nel congresu
Ser menos tien consecuencies en tolos ámbetos. El preciu políticu acaba de cobrase un plazu: les cifres del caberu censu retayen un diputáu a Asturies
Al par que mengua la población n’Asturies cae la presencia del país nos órganos que deciden el futuru de los asturianos nel estáu español, siendo progresivamente más dependientes de decisiones ayenes dafechu a los porgüeyos asturianos. Si nes tres primeres elleiciones xenerales s’escoyeron n’Asturies diez diputaos, el 1968 traxo el primer retayu, dexándo nueve, fasta’l nuevu descensu, en 2004, que dexó la representación asturiana nel Congresu nos ocho diputaos colos que cuntamos agora. La llectura del prósimu censu anuncia qu’estes prósimes elleiciones los asturianos votarán entá un menos, siete.
Con ocho diputaos, Asturies yera la gran desapaecida del parllamentu español, con presencia nula o cuasi nula de los sos problemes nun estáu nel que los asturianos son residuales y periféricos, cuando non direutamente molestos. Agora, cola pérdida d’un diputáu por mor de la cayida demográfica, tarán entá menos representaos y habrá tovía menos posibilidaes de qu’un grupu minoritariu algame representación na Xunta.
Nuria Prendes
This work is licensed under a Creative Commons Attribution 4.0 International License.
