Coles actuales llistes d’espera nun se cuenta con poder tramitar les solicitudes actuales anantes del 2021.
Son abondos los dependientes que muerren anantes de ver la so solicitú tramitada
L’avieyamientu de la población tien comu consecuencia l’espoxigue del númberu de persones que precisen d’aida pal díe a díe, polo que l’atención a la dependencia ye una cuestión cume nel país. Sicasí, L’Oservatoriu de la Dependencia suspende con una nota de 2’9 al serviciu asturianu.
Suspende pol llarguísimu retrasu na tramitación pa la concesión de l’aida -dos años y mediu, calculen-y pola so perbaxa cifra de beneficiarios efeutivos, asina comu pola cantidá d’ellos valoraos, pero ensin gráu y pol altu númberu de persones qu’efeutivamente precisen atención pero nun la reciben. Tou ello espeya que la Llei de la Dependencia nun se cumple n’Asturies más que al 30%, sigún la valoración d’esti ente creáu pola Asociación Estatal de Direutores y Xerentes de Servicios Sociales pa controlar el cumplimientu efeutivu de la llei.
Nun ye na nuevo, nos 9 años que lleva faciéndose esta valoración semestral, l’atención a la dependencia n’Asturies aprebó tres vegaes (Avientu del 2008 y 2014 y Xunu del 2009), suspendiendo les 16 restantes, ensin que se fixere res pa correxir esta tendencia. De fechu, la llei ta prauticamente paralizada.
Nuria Prendes
This work is licensed under a Creative Commons Attribution 4.0 International License.
