El 19% de los empresarios autónomos trabaya ensin beneficios o incluso perdiendo perres ya’l beneficiu mediu declaráu poles PYMES asturianes nun sobrepasa los 10.000 euros añales
Basándose na información apurría pola Axencia Tributaria de magar la información de les actividaes económiques facilitaes polos empresarios y profesionales nes sos declaraciones añales del Impuestu sobro la Renta, les mayores tases de fracasu empresarial del estáu español danse n’Asturies y Galicia, onde se concentra la mayor proporción d’empreses que rexistren perdes económiques. Incluso pente los que presenten beneficios, la cayía media de la facturación nel país nos caberos cincu años ronda’l 19%.
N’Asturies la cifra d’empreses nun algama les 68.000, siendo esta una cifra mui variable por mor del númberu importante de microempreses creaes baxo la presión de la necesidá d’emplegu y que duren menos d’un añu en furrulamientu. D’ente toes elles, más del 55% nun tien contratáu dengún asalariáu y otru 41% nun pasa de los nueve emplegaos. Namás el 0’1% de les empreses asturianes tienen en nómina más de 200 trabajadores.
Alrodiu de 57.000 de les empreses correspuenden al seutor servicios, predominando la hostelería ya’l comerciu, los sectores precisamente menos estables, lo mesmo no que cinca a fracasu empresarial que’n nivel de precariedá llaboral.
Llucía F. Marqués
This work is licensed under a Creative Commons Attribution 4.0 International License.
