L’argumentu de la falta d’oficialidá val a los medios públicos pa facer de llau a la nuesa llingua, pero el mesmu argumentu a la contra, el de la oficialidá de los mesmos, nun yos val pa utilizar los topónimos correchos. Iniciativa pol Asturianu denuncia la non utilización de los topónimos oficiales na RTVE – RTVE Asturies

La toponimia d’Uviéu ta reconocía dende va menos de mediu mes, pero la d’otros conceyos lleva más de diez años vixente, comu ye’l casu de Xixón y Colunga, que recuperaron la so toponimia tradicional nel 2006, Mieres nel 2009 o Ribeseya y Teberga’l 2010… De fechu, el procesu de recuperación de los nomes del país, entá ensin finar, entamó oficialmente’l mes de xunu del añu 2004, nel que se creo la Xunta de Toponimia. A fecha de güei son 61 los decretos d’oficialización de la toponimia tradicional, aplicaos a otros tantos conceyos.

Sicasí, nes informaciones televisaes y radiaes siguin usándose los nomes españolizaos de los llugares, comu puede vese de manera mui llamativa nos partes metereolóxicos. La discriminación del asturianu faese rescamplante cuandu se compara, por exemplu, col tratu dau a otros topónimos con idénticu nivel d’oficialidá, comu ye’l casu del gallegu.

Nuria Prendes

This work is licensed under a Creative Commons Attribution 4.0 International License.