Tres de la decisión del Tribunal Superior de Xusticia d’Asturies qu’anuló’n Xineru del 2018 la Ordenanza d’usu del asturiano en Noreña, democráticamente aprobada n’alcuerdu plenariu n’ochobre de 2016 pero que contenía defeutos de forma, les ordenances recuperáronse coles correspondientes igues nel díe d’ayeri.

La reconocencia de los drechos llingüísticos de los vecinos de Noreña a nivel de Conceyu nun sustitúi la necesaria oficialidá de la llingua, pero supón un perimportante avance, con efeutos práuticos inmediatos.

L’equipu de gobiernu de Noreña sacó alantre con siete votos a favor, 4 en contra y dos astenciones, la aprebación de la ordenanza reguladora pal usu de la llingua asturiana. Foi una aprebación nel caberu intre, ya qu’ayeri foi el caberu Plenu ordinariu del mandatu, lo qu’implica que sedrá’l viniente equipu de Noreña’l responsable del so desendolcu y aplicación.

Redaición InfoAsturies