El PSOE ye’l típicu abusón d’escuela, que, col compinche PP, métese col pequeñu de gafes, l’asturiano, porque nun tien arrestos pa facelo col vasco y col catalán.  “Lo meyor pa les llingües ye que nun haiga imposición”… como sí que ye evidente n’Asturies socialista dende siempres, onde los asturfalantes somos ciudadanos de segunda

Garrao del Facebook de David M. Rivas

Selmana de les Lletres Asturianes: “La meyor manera de defender les llingües ye emplegándoles con naturalidá, ensín imposiciones. Tienen ser vehículos de comunicación ya entendimientu ente la xente y nunca pilancos que pongan en dificultá la identidá de caún”.

Nun sé por qué Sanjurjo fala de “llingües”, en plural, cuando tamos tratando d’una en concreto y, amás, minorizada y non oficial. O igual que sí lo sé: debe pensar, como ye lo propio del PSOE asturianu, nel catalán. Pero, yá que fala d’ello, ye verdá que lo meyor ye falar ensín imposiciones… Tovía nesta última campaña ellectoral l’asturiano fora reprimíu poles autoridades pesie a les sentencies de los tribunales. Y recuerdo que n’Asturies quien gobierna ye’l PSOE y dende hai décades.

Lo meyor pa les llingües ye que nun haiga imposición… como sí que ye evidente n’Asturies socialista dende siempres, onde los asturfalantes somos ciudadanos de segunda. Sanjurjo representa como pocos al réxime del PSOE, un partíu inorante, etnocida, illetráu, paletu y culturalmente franquista. El PSOE ye’l típicu abusón d’escuela, que, col compinche PP, métese col pequeñu de gafes, l’asturiano, porque nun tien arrestos pa facelo col vasco y col catalán. Amás, l’asturiana ye la llingua de clases obreres y campesines, non la del PSOE, evidentemente.