David Naredo Hevia, sareganu, faise cola txapela de campión nel primer Campionatu de cortaores esguiladores EROSKI 50, que se disputó en El Arenal de Bilbao

La preba, consistente’n cortar un troncu col hachu a cinco metros d’altor, repitióse tres vegaes, en sucesives eliminatories nes que l’asturianu foi quedando cabezaleru ensin discusión, baxando la so marca de los 2 menutos 42 segundos del primer corte al ún menutu 54 segundos na final, colos qu’amás d’algamar el retu de baxar de los dos menutos venció al navarru Eneko Saralegi, con un tiempu de 2’03”.

Naredo, qu’entamó a prauticar nel corte con tres años, ya se ficiere l’añu pasáu col entítulu de Campión de segunda na Lliga de Vizcaya d’aizkolaris, pero paez que lo d’elli ye cuestión de familia, ya que’l so pa caltién entá’l record de corte n’altor dende que, nel 1997, cortare un troncu a 15’50 metros del suelu.

Nel Dos Santos

This work is licensed under a Creative Commons Attribution 4.0 International License.