17 prebes estremaes, pero un únicu distritu universitariu: esa yera la quexa de los asturianos nesta edición de la EBAU, preba heriedera de la selectividá y la reválida de la que dependen los futuros estudios de la mocedá. El curriculum académicu asturianos yera ún de los más duros del estáu, especialmente n’asignatura d’hestoria, polo que los estudiantes consideren que compiten col restu en desigualdá de condiciones, ya qu’un escolín con nota más alta sacada nuna comunidá de les “fáciles” tendrá prioridá sobre ellos a la hora d’optar, por exemplu, a una de les codiciaes places de melecina na Universidá d’Uviéu.
Sicasí, los asturianos amosaron tener un bon nivel, subiendo al 92’54% la tasa d’aprebaos na convocatoria de Xunu, na que se matricularon 4.125 estudiantes, de los que 3.712 fexeron la preba. El porcentaxe malpenes varía pente homes y muyeres, correspondiendo un 92,33 % a elles y un 92,79 % a ellos.
La nota media xeneral de la preba EBAU d’esti añu foi notable, un 7,055, perriba del 6,93 del añu anterior. La nota más alta iguala a la del 2018: 9,95. 383 persones algamaron una nota de sobresaliente.
Les notes tan disponibles na páxina de la Universidá d’Uviéu.
Nuria Prendes
This work is licensed under a Creative Commons Attribution 4.0 International License.
