Una bandera d’España cubre un de los bancos pola diversidá estrenaos la selmana pasada en Castrillón nel marcu del Arguyu LGTB+

Un de los recién naguraos bancos de collores, colos que’l conceyu de Castrillón quiso declarar la so postura de reconocencia al drechu de caún a ser y a querer comu decida, foron emporcaos con una descomanada bandera d’España, dexando bien nidio la cercanía de les idegues españolistes cola intolerancia más retrógrada. Actos asemeyaos, venceyaos a grupos facistes, tovieren llugar n’Uviéu nel añu 2017.

El bancu que recibió l’agresión, al par del poliesportivu de Piedres Blanques, sedrá repintáu colos sos collores ya’l fechu  investigáu comu actu de vandalismu y daños nel mobiliariu urbanu.

Los bancos Arcu la Vieya foren naguraos el pasáu miércoles 26 nuna Caminata pola Diversidá que percorrió los cuatro bancos nun prestosu actu públicu nel que participaron decenes de persones y nel que se lleeron manifiestos y poemes.

Nuria Prendes

This work is licensed under a Creative Commons Attribution 4.0 International License.