Acordies a los datos qu’apurre la Conseyería de Desendolcu Rural y Recursos Naturales, recoyíos pola Sociedá Asturiana d’Estudios Económicos ya Industriales (SADEI), el volumen de la pesca desembarcada nos puertos asturianos en Xunu averóse les 1.396 tonelaes qu’algamaron un valor de 4,3 millones d’euros. El pesu d’estes captures ye un 23,5% inferior al rexistráu en Xunu del añu pasáu, mientres que’l so valor económicu baxó un 22%, dando un resultáu pior al del añu anterior por segundu mes consecutivu.

No que cinca a volume desembarcao, el primer semestre del añu baxó un 10,8% respeutu al mesmu periodu del añu pasáu, hasta 13.253 tonelaes. Sicasí, el valor de les ventes entamó’l descensu de magar el mes de Mayu.