La noticia vraeramente esmolecedora ye que’l 6% de los asturianos carezan probitú severo, duplicándose la tasa nun añu. La noticia reveladora de la situación que se vive n’Asturies  ye que los ricos tamién lo son menos

Ya nun ye namás un casu de desigualdá social nin de breches, ye un casu d’aprobecimientu xeneralizáu d’un país que nun va tanto foi ricu y prometedor, que cuntaba con recursos humanos y naturales mui perriba de la media y que foi sistemáticamente boicoteau pol estáu español y, sobre tou, polos sos propios gobiernos fasta llevalu a esta situación de crisis xeneralizada qu’algama a toles estayes de la población y a tolos seutores productivos.

Sicasí, el datu que vraeramente respiga son los 37.000 asturianos que sumen al riesgu de probitú y esclusión social, superando con ellos les 215.000 persones que nun tienen comu vivir dignamente, cuasi el 21% de los asturianos, y subiendo. La tasa de privación material severa aporta al 6%, duplicándose cuasi nun añu y siendo la más alta del estau.

Llama l’atención que medre la probitú al tiempu que baxa’l paru: la estrema precariedá de los emplegos n’Asturies lleva a la paradoxa de qu’un trabayu ya nun garantice tener medios de vida.

Nuria Prendes

This work is licensed under a Creative Commons Attribution 4.0 International License.