Pasu ente pasu consolídase esti marcu de rellación acullá de los Estaos-Nación

Aragón y Occitania, países integraos respectivamente nel Reinu d’España y na República de Francia, anovaron nuevamente los sos alcuerdos de cooperación en base a los sos comunes intereses y afinidaes eurorrexonales.

El conseyeru de Presidencia del Gobiernu d’Aragón, Vicente Guillén, y el vicepresidente de la rexón francesa de Occitania/Pyrénées-Méditerranée, Guillaume Cros, roblaron el día 16 de marzu en Toulouse una declaración institucional pa fomentar árees de collaboración n’infraestructures de tresporte y comunicaciones, desendolcu caltenible, mediu ambiente y xestión de riesgos naturales, cultura y turismu, enseñanza básica, agricultura, industria, comerciu, artesanía ya investigación, innovación y desendolcu económicu, ente otres.

Ente los oxetivos al curtiu plazu va estudiase la posibilidá de nueves víes de comunicación al marxe del Túnel de Bielsa-Aragnouet.

This work is licensed under a Creative Commons Attribution 4.0 International License.