La Rede Xixón Oeste convoca una concentración/pasucais el 12 d’Avientu comu amuesa del refugu popular al almacenaxe de carbón en El Musel, especialmente depués del preslle de les mines asturianes
Pa la organización convocante nun ye de recibu que, depués del preslle de les mines asturianes, impuestu pola X.E. con un pretendíu envís mediuambiental y que dexó albentestate a les cuenques mineres, finando con un de los seutores productivos más importantes de la hestoria d’Asturies y desaniciando, de pasu, la resistencia obrera más renomada del país, agora se pretendan almacenar n’Asturies tonelaes de mineral proveniente d’otros países.
De magar la so ampliacion nel 2010 El Musel (Xixón) ye puertu cabezaleru en tráficu de graneles sólidos, especialmente carbón y mineral de fierro, con un total de cerca de 19 tonelaes. Ello amuesa que lloñe de ser un procesu ecolóxicu de camudar a enerxíes más llimpies, lo que tuvo llugar ye una desllocalización de la estración de minerales a países aú la man d’obra ye más barato y les lleis mediuambientales menos dures. El carbón que s’apina nos puertos asturianos provién de países comu Colombia, Sudáfrica, Brasil o Rusia, y va a parar, principalmente, a la acería Arcelor-Mittal y la térmica de Aboño.
Por tou ello, convoquen a manifestase en Xixón, el 12 d’Avientu a les 12 hores, nuna protesta col llema “¿Qué tan imponiéndonos dende la UE? Nun queremos un almacén de carbón n’El Musel mientres zarraron les mines asturianes” la mesma saldrá de Cuatro Caminos y finará nel mesmu puertu d’El Musel.
This work is licensed under a Creative Commons Attribution 4.0 International License.
