La Coordinadora Ecoloxista d’Asturies vien de presentar allegaciones a la Llei de Caltenibilidá y Proteición Ambiental del “Principado”, sometía a consulta, que tien de ser el futuru marcu llegal pa temes ambientales
Llucía Fernández Marqués
Lo primero que llamenten los ecoloxistes ye l’ausencia d’alcuentros específicos pa la participación na redaición de la nomada llei, pesi a la so importancia.
Na primera allegación de la C.E.A desixese un control so la contaminación atmosférica solicitademos “la proteición de la calidá del aire garantizaráse, como mínimo, mediante el respetude los valores llende d’emisión de contaminantes a la atmósfera señalaos nel marcu de la llexislación europea de referencia asina como, en casu de ser inferiores, los valores llende recomendaos pola Organización Mundial de la Salú, l’Axencia Internacional pa la Investigación del Cáncer ya l’Institutu de Salú Carlos III, promoviendo la so meyora continua”.
Daqué que tien de dir de la man d’un sistema eficiente y fiable d’información de la calidá l’aire, los suelos y les agües “La obtención d’información afayaiza y abonda cuantitativa y cualitativamente so la calidá l’aire ambiente y los focos emisores, y l’espardimientu públicu (incluyío vía Internet) de tola información que al respeutu disponga el Principado”, incluyendo los datos en continuo de la rede privada, amás de la pública.
Arriendes del control del aire, suelu y agua, pidin que se controlen los estremaos contaminantes como sustancies químiques y diverses fontes d’enerxía (como vibraciones y radiaciones electromagnétiques), el paisaxe, la Red Natura 2000 y les zones d’especial proteición ambiental esistentes nel territorio.
Ente otres munches allegaciones, pidieron que se renuncie a la quema como forma de tratamientu de residuos, que se controlen periódicamente les istalaciones y actividaes con incidencia ambiental, faciendo pública la información, y que s’amplíe’l plazu de prescripción de les sanciones previstes n’esta llei.
This work is licensed under a Creative Commons Attribution 4.0 International License.
