Con motivu del 150 cabudañu de la espublización de la tabla periódica de Dmitri Mendeléyev la Oficina de Normalización Llingüística pon a dimposición de tolos amantes de la ciencia la so versión asturiana

Nel 1989 asoleyóse en Rusia la primer tabla periódica que contenía una clasificación de los ellementos químicos conocíos d’aquella, 62, cola so composición y propiedaes, organizaos en función de la so masa atómico na horizontal y por carauterístiques comunes na vertical. Anguaño esta tabla, ampliada a 118 ellementos repartios en 18 grupos, ye una ferramienta fundamental pal estudiu la química.

Pa cellebrar el 150 aniversariu de la so espublización, la Oficina de Normalización Llingüística editó una tabla periódica y una baraxa de los ellementos coles sos carauterístiques principales y los datos hestóricos y etimolóxicos de caún, diseñada pa xugar en grupu, una bona ferramienta pa trabayar nes clases de química y nes d’asturianu o pa xugar en casa. Entrambos puen consiguise descargándoles d’un enllaz na mesma páxina de la Oficina de Normalización llingüística de Xixón.

Redaición InfoAsturies