L’Asociación Muyeres Esquecidas convoca na llocalidá franquina de Miudeira un taller d’aniciación y campionatu de bolos
La modalidá escoyida ye la de bolo rodao, que consiste en baltar el mayor númberu de bolos tirando la bola -como’l nome indica- rodando pel suelu, en llugar de pel aire comu na cuatriada.
La conocida afición de Miudeira por esta modalidá de bolos cayere en desusu fasta la anovación de la bolera nel 2016, que, xunto col enfotu puestu nello poles vecines, fixo que se recuperare la tradición. La escasez de relevu xeneracional fizo surdir la idega d’esti taller d’aniciu que se cellebra añalmente y que val p’averar xente a esti esporte.
L’eventu tendrá llugar los díes 12 y 26 de Xineru na bolera de Miudeira, inagurada nel 2016,n’horariu de 12:00 a 14:00 hore,y ta entamáu pola Asociación Muyeres Esqueicidas en collaboración cola Asociación Cultural y Deportiva Miudeira, la Casa Conceyu d’El Franco, el Gobiernu d’Asturies ya l’Institutu Asturianu de la Muyer.
La participación sedrá de baldre pa tolos públicos y les iscripciones pueden formalizase na mesma bolera.
This work is licensed under a Creative Commons Attribution 4.0 International License.
