Yá tán istalaes per Llaboral Ciudá de la Cultura (Xixón) señales nueves qu’incluyen tola información de los sitios en trés llingües: español, asturianu ya inglés

Tola nuea cartelería, rotulación y señalización d’espacios na xixonesa Universidá Llaboral, asina comu los horarios ya información relevante na Llaboral Ciudá de la cultura ta en trillingüe, dando exemplu de lo cenciella que pue ser la coesistencia de llingües. La versión n’asturianu ocupa’l segundu puestu y ta nel mesmu tamañu que la versión española, demientres que la torna al inglés va en piquiñino.

Pa la torna de los testos al asturianu, Recreala -la empresa  de Xestión d’Infracadarmes Culturales, Turístiques y esportives responsable del cientru- cuntó cola collaboración de la Dirección Xeneral de Política Llingüística.

Falta namás que se modifique’l llogu “Laboral, ciudad de la cultura” pa cuntar cola so versión asturiana “Llaboral, ciodá de la cultura”, daqué que ta previsto a mediu plazu.

Esta meyora tien llugar en plenu alderique so la conveniencia de solicitar la calificación de “Padremoñu de la Humanidá” pal edificiu, que ya foi reconocíu como un de los “meyores espacios” pol Premiu Eventoplus d’Oru y que ye consideráu por Turespaña como ún de los diez meyores espacios hestóricos pa la cellebración d’eventos nel estáu. L’edificiu cunta con más de 130.000 metros cuadraos que permiten acoyer eventos únicos y estremaos nun espaciu monumental y versátil.

This work is licensed under a Creative Commons Attribution 4.0 International License.