Les tres principales organizaciones agraries d’Asturies -COAG, Asaja y UCA- convoquen una concentración el 14 de Febreru a les 12:00 nel Paséu los Álamos d’Uviéu

“Los agricultores y ganaeros nun somos un problema” declaren “sinon tolo contrario, la solución”.

El mundiu rural asturianu nun ye solo un seutor económicu vital, sinon que ye garante de la conservación y tresmisión d’una cultura milenaria y un fautor importantísimu nel curiau y conservación de los montes, asina comu na prevención d’incendios. Sicasí, les organizaciones agraries describen la situación que carez el campu asturianu de “grave ya incaltenible”.

La pervivencia de la ganadería y agricultura asturianos pasen por una regulación de los precios que frenen la desproporción pente lo que’l productor recibe y lo que paga’l consumidor, pero tamién ye necesario dotar al mediu rural de los servicios y medios que permitan a la mocedá siguir viviendo nos pueblos. Reclamen tamién una reorganización de la burocracia que fine cola sobreregulación y facilite’l so díi ente díi y la creación d’incentivos pa los que quieren entamar a trabayar nel seutor.  Remembren que les peculiares condiciones orográfiques del país faen preciso un tratamientu estremáu p’Asturies, adautando cuestiones comu la llexisllación de purines y permitiendo sistemes de riegu que se vienen utilizando va décades ensin dañu pal mediu ambiente pero qu’agora tan sancionaos.

Llucía F. Marqués

This work is licensed under a Creative Commons Attribution 4.0 International License.