Tres la masiva convocatoria del Sindicatu d’Estudiantes, les clases quedaron baleres pa lluchar polos drechos de les muyeres
Güei, día seis de marzu les aules de Asturies vaciáronse pa enllenar les cais y revindicar los drechos de les muyeres. Dos manifestaciones, entamaes pol Sindicatu d’Estudiantes en collaboración con Llibres y Combatives, axuntó miles de persones, tanto na plaza del institutu de Xixón, comu na Escandalera, dende onde completaron un pasacalles pel centru de la ciudá que fino nes places de Conceyu, onde intervinieron delles representantes.
No que va d’añu más de 20 muyeres morrieron na Península por violencia de xéneru, la gran mayoría de muyeres careció dalgún tipu de malos tratos o de vexames machistes, y a día de güei, ye más probable qu’una muyer muerra por violencia de xéneru que por coronavirus; sicasí, unu apaez tolos díes en telediarios y periódicos, causando un alarmismo escesivu y otru ye escondíu y tapáu per medios y organizaciones, inclusive dellos partíos políticos nieguen la esistencia mesma de la violencia de xéneru, a 6 de marzu de 2020.
Añu tres d’añu los númberos de la violencia machista nun dexen de crecer, cuntando que van 20 muertes en dos meses, una violación ca ocho hores, entá considerando que más del ochenta per cientu de los casos nun son denunciaos. Pa dalgunos, sicasí, sigue ensin ser un problema d’actualidá.
This work is licensed under a Creative Commons Attribution 4.0 International License.
