Güei, comu munchos díes demientres estes selmanes de cuartentena, los vecinos de Carreño divisaron esmoleceores ñubes marielles surdiendo de les istalaciones d’Arcelor
Les reformes finaes esti mesmu añu nun paecen ser abondes pa finar colos avezaos problemes d’emisiones de partícules con metales pesaos de l’acería, que continúa emitiendo ñubes acollorataes y marielles fuertemente contaminantes, vinientes del procesu del convertidor de l’acería LD-III. Los vecinos y la Coordinadora Ecoloxista d’Asturies amuesense esmolecios poles consecuencies qu’esta contaminación tien sobro la so salú ya’n mediu ambiente, polo que tornaron a denuncialo ante la Conseyería d’Infracadarmes y la Casa Conceyu de Carreño.
Pa ellos ta nidio qu’el actual procesu d’aspiración, llaváu y depuración de gases de l’acería, que tien 30 años y produz más de 3.500.000 tonelaes d’aceru, nun ye l’afayaizu y desixen que se tomen les midies abondes p’amenorgar les emisiones difuses.
Remembren que, acordies l’estudiu epidemiolóxicu fechu pola Conseyería de Sanidá, los picos de contaminación atmosférica disparen los ingresos hospitalarios en’Asturies por enfermedaes respiratories, daqué qu’esmolez mui especialmente n’actual coxuntura sanitaria.
Redaición InfoAsturies
This work is licensed under a Creative Commons Attribution 4.0 International License.
