Depués de 26 díes de Fuelga Fame marcaes pola indiferencia del gobiernu del “Principado” Eduardo López tuvo de ser recoyíu por una ambulancia por mor del so mal estáu de salú. L’Autoridá Portuaria de Xixón reaciona istalando controles policiales nes dos entraes y la Guardia Civil na terminal, pa torgar que los sos compañeros lu acompanguen
Eduardo López abandonó la fuelga de fame ayeri, 7 Xunetu, a les 19:00 hores, ante los problemes de salú que carez por mor de los 23 díes ensin allimentu colos que trataba de presionar a la empresa a negociar y al gobiernu del “Principado” a intervenir. El deterioru el so estáu físicu inclui ataques d’ansiedá, taquicardies, perda de control sobro les estremidaes y otros síntomes de gravedá. Los otros tres fuelguistes continuen en fuelga.
A la hora na que s’esperaba la salida los trabayaores d’EBHI quixeron acompangalu p’agradece-y el sacrificiu fechu pol bien de toos, pero la empresa, lloñe de sensibilizase coles consecuencies de la so inamovilidá, torgó la presencia de compañeros, cortando’l pasu con una fuerte presencia policial y de la guarcia civil, lo que nun torgó que nel esterior de la empresa se formare una multitudinaria concentración qu’aplaudió al pasu l’ambulancia.
Los trabayaores responsabilicen a la empresa y al gobiernu de lo que puea ocurrir “La irresponsabilidá absoluta d’Adrián Barbón nel conflictu d’EBHI, ta entamando a tener graves consecuencies. Nun mos cansamos de recordar qu’el Gobiernu d’Asturies controla acionarialmente la empresa pública y escueye tantu al Presidente comu al Direutor Xeneral de la mesma. Poro los siete dispidos que quier facer EBHI, incumpliendo los alcuerdos algamaos cola plantilla en 2017, como la cerrazon del Conseyu d’Alministración a negociar son responsabilidá directa del Presidente dAsturies”.
Nesi sen, Andecha Astur presentó na Xunta Xeneral d’Asturies una propuesta pa qu’aprebe con urxencia una Declaración Istitucional sol futuru de la empresa EBHI, lo mesmo que fexo con otres empreses en situación de conflictu llaboral. Tamien esta organización nacionaliega responsabiliza al gobiernu español y l’asturianu (entrambos en manes de PSOE y Podemos) de lo qu’asocede na EBHI, ya que puen marcar direutrices nel Conseyu d’Alministración d’esta empresa dedicá al movimientu portuariu de graneles sólidos.
Per otru lláu ca vegá garren más fuercia les voces qu’acusen a Barbón de nun intervenir pa torgar el surdimientu de la pantasma de la corrupción d’El Musel.
#BarbónEBHIsolución #EBHIdespidosnon #EBHIenLlucha
DIGNIDÁ con mayúscules. Unu menos dientro, milenta más fuera. Edu yes un grande. ✊🏼DIGNIDAD con mayúsculas. Uno menos dentro, mil más fuera. Edu eres un grande. ✊🏼#EBHIdespididosnon #BarbonEBHIsolucion #EBHIenllucha
Publiée par EBHI en Llucha sur Dimanche 7 juin 2020
This work is licensed under a Creative Commons Attribution 4.0 International License.
