La Conseyería anuncia la so intención de suprimir 27 clases n’Infantil y otres 17 en Primaria

El conseyeru d’Educación y Cultura del “Principado de Asturias”, Genero Alonso, comunicó que’l so equipu estudia piesllar pal viniente cursu escolar unes 27 unidaes d’Infantil y 17 de Primaria en colexos públicos del país, cifra que supera claramente les 32 unidaes que tien previstu piesllar na enseñanza concertada.

Nel ámbitu concretu de la concertada, la propuesta de la Conseyería ye piesllar 16 unidaes n’Infantil, siete en Primaria, siete en Secundaria y dos en ciclos de grau cimeru de Formación Profesional (FP), pieslles qu’afectaríen a 43 de los 70 centros privaos que tienen conciertos de financiación pública.

This work is licensed under a Creative Commons Attribution 4.0 International License.