El concursu de guiones de curtiometraxes formó parte del #FormientuEnCasaFest, que se cellebró nel tiempu la cuarentena
La plataforma lliteraria Formientu.com y Cuatro Gotes Producciones, van entregar los premios del I Concursu de curtiumetraxe n’asturianu Formientu. Esti concursu convocóse como parte les actividaes entamaes nel #FormientuEnCasaFest y cuntó con una abondosa participación.
El xuráu, tres poner en valir la calidá de los trabayos recibíos, decidió conceder el 1er premiu del I Concursu de Guión de curtiumetraxe Formientu al testu tituláu “De cuando l’agua” que resultó ser obra de Fernando de Luxán. El segundu premiu foi pal testu “Guetando a María García” que ye obra de Lluis Rodrigo Menéndez Menéndez.
L’actu d’entrega va tener llugar el sábadu 25 de xunetu a les 19:30 nes instalaciones de Cuatro Gotes Producciones, nel baxu númberu 51 de la cai Emilio Tuya de Xixón. L’actu va tar llindáu a los ganadores del concursu y el xuráu, cumpliendo toles midíes de
seguranza establecíes.

Redaición InfoAsturies

This work is licensed under a Creative Commons Attribution 4.0 International License.