La convocatoria final p’amosar la refuga del Pueblu Asturianu a los Borbones ye mañana xueves na Plaza Xardinos del Náuticu (Xixón) a les 13 hores de la mañana, cuando s’espera que los reis ten nes cercanies
Un garrapiellu d’organizaciones asturianes, pente les que tan el Comité pola Amnstía, Andecha Astur, CNT, Bloque Críticu, Anticapitalistes Asturies y FAMYR, pente otros, convoquen un actu de rechazu a la monarquía española y al paséu que van dar esti xueves per Asturies.
Los convocantes consideren innecesaria ya ofensiva la presencia n’Asturies de los Borbones “porque nun representen nin un réxime democráticu nin los intereses del pueblu trabayaor. La monarquía ye un problema de salú político, grave y enquistáu, que tien l’Estáu español, porque amás de la inmoralidá que representa’l poder heredáu por vía xenética, esta monarquía ye la heredera direuta del réxime franquista y responsable de múltiples delitos en materia monetaria y fiscal, col únicu oxetivu d’arriquecese a costa de los sos supuestos “súbditos””
Esta rempuesta popular, convocada col popular llema “Asturies nun tien rei”, tendrá llugar na Plaza Xardines del Náuticu (Xixón), el mesmu xueves, 30, a les 13 h y nella realizaráse un actu simbólicu de quema de corones y semeyes de los reis, polo que pidin a los asistentes que si pueden acudan al actu con una semeya de dalgún de los miembros de la familia real.
Redaición InfoAsturies
This work is licensed under a Creative Commons Attribution 4.0 International License.
