Menacies a un trabayaor d’UGT por falar publicamente de les maniobres del sindicatu

31 Agostu, 2020

Depués del esfalcu de cerca un millón y mediu d’euros nel “presuntu” fraude de los cursos de formación y del pagu de les fiances a los imputaos nesi casu, el sindicatu informa a los sos trabayaores de que nun tienen perres pa pagayos la nómina

El 28 d’Agostu la Vicesecretaria Xeneral d’UGT Asturies, Nerea Monroy, unviaba a los trabayaores d’esti sindicatu un mensaxe nel que se yos informaba de que nun diben pagayos los salarios correspondientes al mes en cursu “Acabamos d’informar al Comité d’Empresa de que nun podemos facer frente a la nómina del mes d’Agostu. Vamos proceder el llunes (güei) al pagu de los seguros sociales y los pagos de los alcuerdos de xubilaciones, ye pa lo qu’hai dineru”.

El resultáu d’años de robu continuáu ya debe tar repartio pente les redes clietelares ya’l pagu de les fiances de los sos dirixentes imputaos por corrución dexó ermes les arques del sindicatu. Como solución a esta situación y ante la imposibilidá de pidir un préstamu bancariu cuenten con pidir perres al Principado p’afrontar nuevos pagos. pa lo que precisen cuntar col sofitu d’IU y Podemos, alcuerdu que, sigún informen a los sos Secretarios Xenerales, ya tan negociando.

Esta ye, en resume, la información qu’espublizaba nes sos redes sociales P.A.F.

Aparte de les evidentes reaciones d’indinación ya incredulidá, recibió otru tipu d’avisu, el d’un amigu que ya nel primer intre-y alvirtió de que tuviere curiau con esta xente,”yá sabemos cómu actúen cuando, como tá asocediendo agora, se ven acorralaos”. Seique l’afeutáu trató de quitar fierro al asuntu, la mañana viniente recibía la primer llamada d’un númberu ocultu, dende’l qu’una voz ensin identificar dixo testualmente “Anantes de que acabes col sindicatu, vamos a jodete vivu, fiu de puta”, colgando darréu. Lloñe de recular ante les menacies, P.A.F. manda un avisu: nun van ser quien a apavorialu nin callalu, muncho menos los qu’actuen escondios a la solombra.

Quédase a la espera de los resultaos de les negociaciones col “Principado”, istitución cola que UGT caltuvo hestoricamente un estrenchu venceyu, llegando a reconocer el Secretariu Xeneral, Javier Fernández Lanero, que’l “Principado”, baxo los gobiernos del PSOE, conocíen dafechu’l fraude de los cursos de formación, principal casu de corrución nel que ta implicáu’l sindicatu y que ta agora mesmu denunciáu ante la OLAF por Andecha Astur. Pa facese otra vegada col dineru públicu precisen del sofitu d’IU y Podemos, pa lo que ya tan en negociaciones con estos partios. De llegar estes a bon puertu implicaría que más perres del pueblu asturianu foren a parar a les arques de’l sindicatu.

This work is licensed under a Creative Commons Attribution 4.0 International License.

Tags impagu nómines Mafia sindical menacies Sindicatos UGT

InfoAsturies

Menacies a un trabayaor d’UGT por falar publicamente de les maniobres del sindicatu

Dexa una rempuesta Cancelar a resposta

Visto nes redes

Vidios

Videos

Webs amigues

Estayes