Esta nueche entamaron les xornaes de fuelga convocaes poles trabayadores d’ALSA, una fuelga na que nun solo defenden el so futuru llaboral, sinon los drechos de miles d’usuarios del tresporte públicu
Los trabayadores de la empresa de tresportes ALSA tienen claro que se xueguen abondu nesta protesta y poro tan demostrando a la patronal que van en serio, con aiciones revindicatives de fuercia dende’l primer menutu, siendo ya más d’una dolcena los vehículos de la empresa con desperfeutos.
La fuelga continuará dica’l 9 d’Ochobre y depués indefinidamente tolos llunes, miércoles y vienres.
El motivu ye qu’ALSA niégase a reponer les llinies y horarios anulaos cola esculpia l’andanciu, cola correspondiente perda de puestos de trabayu y de serviciu a los viaxeros, siendo especialmente castigaos, otra vegada, les fasteres rurales y les esnales oriental y ocidental d’Asturies. Igualmente importante ye la intención del preslle definitivu de les taquilles, que tamién conlleva, xunto a la perda d’emplegos, consecuencies emportantes pa los viaxeros, al desapaecer la interación personal, la posibilidá de recibir información, aida o facer una reclamación in situ. La falta de taquilles afeuta especialmente a aquellos pa los que la edá o les condiciones físiques dificulten la interación con máquines, ello ye, a la mayor parte de la población rural asturiana.
La sociedá asturiana nun pue sinon sofitar esta protesta y agradecer a los trabayaores el so enfotu n’enfrentar esta “nueva normalidá” aplicada al tresporte públicu.
Llucía F. Marqués
This work is licensed under a Creative Commons Attribution 4.0 International License.
