Pa daquién nuevu como tu, estudiante, ¿Porqué decidisti dir a la manifestación?

Decidí dir a la manifestación para amosar el mio refugu a la corona española qu’intenta tapar la so propia corrupción con una campaña ablancazamientu con actos como pueda ser el de los premios princesa d’Asturies que repinten añu tres d’añu . Per otra parte la mocedá tien de ser el relevu de la siguiente xeneración y tenemos de ser quien a tar a pie de cai y non detrás d’una pantalla de móvil, teo dicir que si que la situación actual fixo que dudare de si dir o non pero tres poneme en contautu con axentes de la organización y treslladame’l so compromisu y responsabilidá cola aplicación de la normativa decidí dir.

¿Qué te paeció l’ambiente na manifestación, l’actu na plaza de la Escandalera, el conteníu de les revindicaciones? 
L’ambiente foi bien activu, notábase a la xente animada y con ganes de demostrar que los reis nun se pasiaríen per Uviéu como si fuere la so casa, magar la menor presencia qu’ otros años fiximonos notar. Daqué que creo que tien de mentase ye’l rigorosu cumplimientu del usu del mázcaru y la separacion ente les persones por razón del covid 19.
El conteníu de les reinvindicaciones foi d’un calter social y antimonárquicu, la plataforma non solo criticó’l papel de la casa real, o la fundación premiod Princesa d’Asturies sinón qu’amás incluyó critiques a grandes empreses o los distintos retayos económicos  que careciemos años atrás y qu’agora tamos careciendo. Fíxose especial mención a aquellos trabayadores que tienen penoses situaciones llaborales como señalo’l representante del sindicatu d’enfermeros de Asturies.

¿Conocies primeramente’l llema Asturies nun tien rei y la dinámica de movilizaciones antimonárquiques n’Asturies? 

Claro, nestos años foi un llema que tuvo en boga nesti tipu de concentraciones n’Asturies . El mensaxe ye claru, Los asturianos y asturianes nun vamos aceutar la monarquía y vamos salir a la cai les vegaes que faiga falta, nun s’usaran los nuesos impuestos pa caltener una institución anticuada, corrupta y heriedera del franquismu. Eso ye lo que con una simple frase tresmite dichu llema.

¿Crees qu’el camín de la xunidá ente colectivos y organizaciones ta siendo acertáu?

Creo que toa aquella persona que tuvo’l pasáu vienres na escandalera pudo cerciorase de que la unidá por un oxetivu común ye’l camín, nenguna organización s’impunxo sobro otra, los discursos que se dieron polos distintos representantes tuvieron dos coses en comun; la primera y mas obvia foi l’espíritu antimonárquicu que  dende va años lleva calando na sociedá asturiana; y per otra parte y creo que de gran importancia, la unidá popular, l’establecimientu d’una conciencia de clase omún. Como.dixi an el tinte social foi lo que marcó’l discursu y creo que tienen de ser estos los caminos a siguir pa la bona marcha d’esti oxetivu común.

This work is licensed under a Creative Commons Attribution 4.0 International License.