La situación sanitaria lleva a la organización a ufiertar los sos cursos de llingua asturiana de manera telemática

Ta abiertu’l plazu de matriculación p’apuntase a los cursos d’asturianu nos dos niveles disponibles, básicu 1 y básicu 2, que tendrán una duración de 36 hores lleutives, entamando’l llunes 16 de Payares dica entamos de Febreru.

Los cursos, que se desendolcarán al traviés d’una plataforma dixital, tan estremaos en dos niveles. El primeru, nivel básicu 1, ta empobináu a persones ensin conocimientos o con un conocimientu mui escasu de la llingua asturiana que, al finar con ésitu’l mesmu, recibirán un diploma de l’Academia de la Llingua Asturiana, entidá reconocida polaConseyería d’Educaciónpa la formación del profesoráu.

El nivel 2 ta empobináu a persones con una conocencia más fonda del idioma, que yá ficieren dalgún cursu enantes.

Les iscriciones pueden facese dende yá mesmo y dica’l 12 de Payares na páxina ueb d’Iniciativa pol Asturianu, onde tamién se pueden consultar les condiciones del mesmu.

Redaición InfoAsturies

This work is licensed under a Creative Commons Attribution 4.0 International License.