La nula competitividá fiscal, que nos asitia nel puestu 18 de 19, xuntu cola falta d’infracadarmes afayaices, prevoca la fuga d’empreses y profesionales a la gueta d’una redolada más amigable

Asturies ye’l territoriu que más puestos baxó nos postreros dolce años, baxando mientres el 2019 del puestu antepenúltimu al penúltimu. Esti añu, Asturies vuelve asitiase nel penúltimu puestu nel Índiz Autonómicu de Competitividá Fiscal (IACF) de 2020, espublización de la Fundación pa la Meyora de la Llibertá (Fundalib) al pie de la Tax Foundation d’Estaos Xuníos, que tien en cuenta los tramos autonómicos de los grandes impuestos, los tributos vencíos dafechu a les comunidaes, la especificidá canaria y la de los réximes forales y los impuestos adicionales establecíos per ca comunidá autónoma.

Esti índiz, espublizáu per vegada primera en 2017, ye un bon indicador de la capacidá d’un territoriu para competir fiscalmente y asina retener y atrayer empreses y profesionales, xenerando por tantu actividá económica y emplegu. Asturies caltiense nel puestu númberu 18 de 19, al que cayó nel añu 2019, con namás Catalunya por detrás y llogrando una calificación de 5’18 sobro diez.  El tributu sobro los híper foi determinante a la de baxar esti postreru puestu.

Asturies ta ente les economíes menos competitives a nivel d’IRPF, impuestos de tresmisiones, impuestos propios y d’hidrocarburos, destacando la so mala nota n’impuestu de sucesiones, entantu que se caltien nun puestu entemediu/baxu nel impuestu de padremoñu. La falta d’infracadarmes, incluyendo’l cargu estra pa entrar y salir de Asturies qu’impon el Güerna, súmase a la falta de competitividá fiscal a la de calcular la pésima situación de Asturies no que fai a competitividá global y capacidá d’atración d’inversiones.

Llucía F. Marqués

This work is licensed under a Creative Commons Attribution 4.0 International License.