Circular per Asturies ye un esporte de riesgu. La mala traza de les carreteres asturianes convierte a cuasi’l 14% de les mesmes en tramos peligrosos o perpeligrosos

El XVII Informe EuroRaP, nel que participa RACE analizando 774 km de carreteres n’Asturies, afita que 107’5 km de víes públiques, el 13’9% del total analizáu, son tramos de riesgu elevao o bien altu dacidentalidá. La media estatal asitiase nel 9% y solo Aragón saca peor nota qu’Asturies, destacando na gráfica los resultaos de territorios como Euskadi, Navarra o Madrid con cero Km de peligru.

Los puntos prietos defínense pol so eleváu riesgu para la seguridá de los usuarios, evaluandose les posibilidaes d’accidente grave o mortal en función del fluxu de vehículos que transiten un tramu y les sos condiciones. Les carreteres rural y comarcales, especialmente les d’altu monte, son les peor paraes nel estudiu, anque munches quedaren fora del mesmu pola so “escasa relevancia” o recueyen menores niveles de peligrosidá pol so escasu tránsitu.

Nuria Prendes

This work is licensed under a Creative Commons Attribution 4.0 International License.