Yá son cuatro los exemplares finaos no que va d’añu
Dos exemplares adultos d’osu pardu fueron atopaos muertos nuna fastera asitiada a 1,5 kilómetros de la llocalidá de Combu, perteneciente al conceyu de Cangas del Narcea y al Parque Natural de les Fontes del Narcea, Degaña ya Ibias. Concretamente fueron alcontraos pol ganaderu xubiláu Marcial Álvarez Llagu, quien espresó la so estrañedá y sorpresa por atopar dambos animales prácticamente xuntos.
Con estos dos exemplares, la nómina de cadabres descubiertos xube yá a cuatro nos caberos meses, yá que’l 2 d’abril en Llamera (Somiedu) foi alcontrada una cría, y el 8 de febreru un adultu n’avanzáu estáu de descomposición en Moal (Cangas del Narcea).
This work is licensed under a Creative Commons Attribution 4.0 International License.
