Tema de negociación ente la Unión Europea y el Reinu Uníu

La situación de los ciudadanos europeos residentes en Gran Bretaña constitúi un asuntu fundamental nes conversaciones ente la «premier» Theresa May y el presidente del Parllamentu Européu, Antonio Tajani. Dambos afirmen coincidir en «fortalecer los derechos tanto de los europeos que viven nel Reinu Uníu como los británicos que tan na UE».

Sicasí en rellación a les elecciones antemanaes pal 8 de xunu, la dirixente conservadora ta preparando un manifiestu electoral que va recoyer el poner fin, de manera inmediata, al derechu de los ciudadanos europeos a la llibre circulación en territoriu británicu.

Amás la llexislación británica torga a la Cámara Alta de los Lores bloquiar cualisquier iniciativa afitada nel manifiestu electoral presentáu pol partíu políticu que gane les elecciones.

This work is licensed under a Creative Commons Attribution 4.0 International License.