Na mesma operación foron suspendíos unos 9.100 policíes

Pocos díes dempués de la precaria victoria del presidente de Turquía, Recep Tayyip Erdogan, nun referéndum constitucional pa l’ampliación de les sos prerrogatives, denunciáu pola oposición como un pasu más na so deriva autoritaria, produzse una nueva redada masiva na República.

Unes 1.009 persones sospechoses de pertenecer al movimientu del imán Fetulá Gülen foron deteníes nunes 72 provincies. Según Süleyman Soylu, ministru d’Interior, “se trataba d’una estructura nomada ‘imán secretu’ qu’intentaba establecer una estructura de seguridá alternativa cola so propia axenda y reivindicaciones ensin tener en cuenta les riegles del Estáu”. Hores dempués, la policía turca anunció la suspensión de 9,103 axentes por supuestos venceyos col movimientu del predicador, midida que foi xustificada en base a motivos de seguridá nacional. Gülen, esiliáu n’Estaos Uníos, ta acusáu pol Gobiernu d’Erdogan de ser el promotor del intentu de golpe d’Estáu de xunetu pasáu. Dende entós la República vive en permanente estáu d’emerxencia, que de fechu acaba de ser allongáu unos trés meses más.

This work is licensed under a Creative Commons Attribution 4.0 International License.