Col despidu, el prósimu 20 y 21 d’abril d’otros dos trabayaores eventuales de la empresa son ya 4 los despidios de los 7 eventuales que trabayaben na terminal
Esti fechu llevó ya a un grave conflictu la pasada primavera, con una fuelga de fame que s’allargó durante 37 díes al informar la empresa que nun fadría usu de la tasa de reposición del Sector Públicu pola que estos trabayaores temporales pasaríen a indefinios.
Agora, EBHI, executa el tercer y cuartu de los 7 despidos (ente ellos Edu, un de los fuelguistes de fame), al incumplir l’artículu 23º l’actual Conveniu Colleutivu que lliteralmente recueye:
“El trabayaor relevista conviertese n’indefiníu nel momentu de finalización del contratu relevu”.
Dende CSI responsabilicen a la direición de la empresa, al Conseyu d’Alministración col so acionista mayoritariu, Autoridá Portuaria, a la cabeza, y al gobiernu asturianu, responsable políticu d’esta
empresa pública y que tamién ta sentáu nel so Conseyu d’Alministración, d’ésti, y tolos demás despidos y recortes que mediante un ERE se tan realizandose amparándose na coyuntura l’andanciu.
Poro ello convocase una fuelga de 24 hores los díes 19, 20 y 21 d’abril, acompañá d’una concentración a la entrá d’EBHI el martes 20 de abril a les 12:00 hores contra’l despidu d’Eduardo López y otra’l miércoles 21 d’abril a les 12:00 hores contra’l despidu de Sergio Díaz.
Asinamismo, esta mañana tuvo llugar el xuiciu a otru de los despidíos, Sergio Velázquez, que foi acompangáu por una concentración a les puertes de los xulgaos.
Llucía F. Marqués
This work is licensed under a Creative Commons Attribution 4.0 International License.
