La Plataforma Medioambiental de la Comarca d’Avilés  fai un llamamientu a los vecinos de toa Asturies a participar güei, martes 2 de mayu a les ocho la tardi, na Concentración  “Tan Envelenándonos” frente a la Casa Conceyu d’Avilés

La concentración convocase ante los graves fechos asocedíos el pasáu llunes 24, cuando un nuevu escape tósicu provocó episodios de dificultá respiratoria y problemes oculares de considerable gravedá en gran parte de la población avilesina, aportando a facer necesariu l’ingresu de delles persones nel hospital pola gravedá de los mesmos.

A esta movilización xúnense cada vez más coleutivos: Plataforma Medioambiental de la Comarca d’Avilés, Asturies por un aire sanu y la Coordinadora Ecoloxista d’Asturies son dalgunos d’ellos, pero van ser tamién munchos los ciudadanos que s’averen a títulu personal, conscientes de que’l problema de contaminación industrial que carecemos n’Asturies ta llegando a una llende realmente peligrosa pa la salú.

Nun ye namás Avilés, sinón qu’en tol país salten alarmes cuasi a diariu: en Xixón, Uviéu, Siero, les cuenques, Grau, Salines… toa Asturies carez les consecuencies d’una política ambiental que pon los porgüeyos de delles empreses bien per delantre de la salú de la población -tantu la humana como l’animal- disparando les cifres d’enfermos respiratorios y de cáncanu.

Pa más información los axentes contaminantes en Asturies, ver la Piqueña Guía de Contaminantes Atmosféricos.

Llucía Fernández Marqués

This work is licensed under a Creative Commons Attribution 4.0 International License.