La ordenanza pa l’usu l’asturianu, aprebada nel 2016, anulada nel 2018 y recuperada nel 2019 vuelve ser anulada nel 2021
Siguen les peripecies noreñenses para tratar de reconocer los drechos llingüísticos de los sos ciudadanos. Tres la primer aprebación de la ordenanza pa l’usu del asturianu en Noreña, recurrida n’ochobre del 2016 pol PP, la Sala de lo contencioso Alministrativu del Tibunal Supremu de Xusticia d’Asturies anuló la so validez, amparándose en defeutos de forma y allegando que la mesma “implicaba tácitamente la oficialidá del asturianu”, competencia que nun pertenez a un gobiernu municipal.
Una vegada correxíos esos defeutos de forma, la ordenanza volvió ser aprebada n’abril del 2019, cola astención d’IX, los votos en contra del PP y con 7 votos a favor de Conceyu Abiertu per Noreña, Independientes Per Noreña y FORO Noreña – Noreña Foru Asturies.
Esa reconocencia de los derechos llingüísticos de los vecinos de Noreña a nivel de Conceyu nun sustituyía la necesaria oficialidá de la llingua asturiana, pero suponía siquier una importante meyora, con efectos práuticos inmediatos.
Agora, el TSXA vuelve baltar les ordenances del asturianu en Noreña, demostrando una vegada más la vixencia de la represión llingüística crónica carecida en Asturies.
Llucía F. Marqués
This work is licensed under a Creative Commons Attribution 4.0 International License.
