Los trabayadores que quieran fumar van tener que percorrer 2 km en coche

Por decisión de la multinacional química toles sos sedes son fasteres llibres de tabacu dende’l 1 d’abril, lo qu’inevitablemente inclúi’l recintu industrial del valle de Tamón. Hasta entós los trabayadores de la factoría asturiana podíen fumar na terraza del edificiu d’oficines y n’otros llugares habilitaos. Pero agora tan obligaos a coyer el coche, percorrer dos kilómetros y pasar la barrera de seguridá.

Los directivos de la compañía confíen en que’l númberu de fumadores dismunya significativamente nun añu y que baxe tamién el consumu de pitos en díes llaborables nel casu de los que nun abandonen el tabacu.

Du Pont suel desendolcar múltiples programes pa socializar determinaos vezos ente los sos emplegaos, que en más d’una ocasión resultaron polémicos pol nivel de control corporativu qu’implicaben sobre l’autonomía individual.

This work is licensed under a Creative Commons Attribution 4.0 International License.