Prósimu xueves, 10 de xunu, de 10,30 a 12.30, delantre del Parlamentu Asturianu n’Uviéu va tener llugar una concentración contra’l prelle de Modultec per parte del Grupu Imasa
Les trabayadores de Modultec-Grupu Imasa lleven lluchao contra los EREs y los despidos dende 2015 cuando, por aciu d’un ERE fraudulento robláu por CCOO y UXT, la Direición despidió a cuasi la metá de la plantiya, en concretu, a la cuasi totalidá de les trabayadores, con un claru sesgu de xéneru. Los despidos de aquelles trabayadores que presentaron reclamación fueron declaraos nulos pola xusticia, al demostrase discriminación por razón de sexu.
Dende eses feches, les trabayadores vienen denunciando que’l Grupu Imasa ta descapitalizando Modultec pa consiguir el so zarru definitivu. N’abril, el Grupu Imasa nomó Alministrador Únicu de Modultec a Emilio Barrosa Valse, un liquidador que vien a presllar la empresa y a despidir a tola plantiya.
Les trabayadores denuncien esti zarru como fraudulentu, yá que esiste carga de trabayu pa que la empresa pueda siguir siendo rentable y llamen a concentrase en defensa de los sos puestos de trabayu y el futuru de la empresa.
Redaición InfoAsturies
This work is licensed under a Creative Commons Attribution 4.0 International License.
