El serbiu yá confirmó la so intención de salir del club, pero la directiva roxiblanca nun ta d´acuerdu con les intenciones del xugador

Dicen que tou tien un preciu, y esi ye’l pensamientu de la directiva sportinguista, que cuenta que Uros solo saldría por una cantidá que-yos diera la posibilidá de, non solo atopar un rempuestu pal punta balcánicu, sinón que buscaríen reforzar otres posiciones del campu para vender a la estrella de la temporada pasada.

La frase “por 6 millones nun vamos vender a Djuka” dexa abondo clares les intenciones del club xixonés, que nun va aceptar una ufierta que nun supere por muncho’l valor del xugador, que según la web alemana transfermarkt tópase alredor de los 6 millones d’euros, que nun seríen abondos pa’l club de Mareo, que pretende reforzar delles posiciones, dada la posibilidá de la marcha de la so otra estrella, Manu García, qu’entá nun se incorporó a la pretemporada, y de Babin, veteranu central francés que foi crucial mientres los últimos años nel equipu del Molinón.

La entruga pa munchos ye por qué, siendo un equipu tan modestu, nun aceptaríen esos 6 millones pol delanteru, pero los mesmos númberos espliquen el porqué. Djuka participó en 23 goles, con 22 tantos y una asistencia, lliderando al club hasta la sétima posición de la lliga smartbank, a tan solo dos puntos del play off d’ascensu a la categoría reina del futbol español.

Entá coles altes pretensiones del club, el rendimientu del  punta de 27 años llamó tantu l’atención que quiciabes David Gallego tien que entamar a plantegar una campaña ensin la so estrella ofensiva pa esta temporada 2021-22.

Nel Dos Santos Fernández

This work is licensed under a Creative Commons Attribution 4.0 International License.