L’estremu panameñu “el Puma Rodríguez” llama l’atención, ente otros munchos xugaores, y el Sporting, nun piensa dexar de fichar nesta recostrucción de plantilla

Fontes cercanes al club xixonés confirmen que’l Puma Rodríguez va ser presentáu col combináu roxiblancu nos próximos díes. El xugador panameñu va ser cedíu pol alavés tres la so gran temporada pasada en préstamu nel Llugo con 5 goles y 2 asistencies.

El Sporting fixóse tamién nel exjugador madridista Omar Mascarell, que baxó col decepcionante Schalke 04 xermanu. El pivote de 28 años foi recientemene asociáu al club de la mareona tras descender de la primera division alemana na que s’asitiara col conxuntu de la cuenca del Ruhr, puesto que l’hispanu guineanu, según fontes cercanes, ta en busca de nuevos retos.

El míticu Ibai Gómez cierra la so segunda etapa col Athletic Club de Bilbao en rescindiendo’l so contratu, lo que permite a cualquier club fichar al estremu de 30 años a costu cero. Anque’l so fichaxe pol Zaragoza taba casi cantáu, el Real Sporting entrometióse neses negociaciones, lo que dexa al estremu vascu más cerca que nunca del equipu de Xixón.

Tres la marcha de la nueva estrella Manu García, el Real Sporting fixose nun canteranu madridista como sustitutu del uvieín, Sergio Arribas. Los roxiblancos estan buscando la cesión del xugador de 19 años como refuerzu temporal hasta’l regresu de la estrella del alavés.

En Mareo embaraxen munchos mas nomes, como Cristo Gonzalez o Paulino, pero lo que exemplifica esta situación, ye que l’equipu xixonés nun tien problema en dexar unos cuantos millones con tal de tornar a la primer división a la qu’históricamente pertenez el club.

Nel Dos Santos

This work is licensed under a Creative Commons Attribution 4.0 International License.