¿Imaxinaisvos a un sevillanu versioneando’l Pozu Maria Luisa al son de la gaita pa promocionar la Feria d’Abril? ¿non? Pues atentos a la nueva campaña promocional de la DOP SIdra d’Asturies

El nuevu vidiu promocional del Conseyu Regulador DOP Sidra d’Asturies “Tú me dejaste de escanciar” versiona una de les canciones más conocies del artista madrileñu C. Tangana

La versión sidrera de “Tú me dejaste de querer” de C. Tangana,  canción con clara influencia flamenca, interpretada por Pedro Durán, Nerea Vázquez y Yago Sirgo, con produción de Jony Lera, a partir de la idea de Marcos Imargues, trata de promocionar la sidra que se define como la más asturiana.

Les reaciones al canciu nun se fiecieron esperar y son antagóniques. Mientres a un seutor de la población-y paez gracioso, a munchos abúltayos contradictorio y provinciano, alcontrándose en redes comentarios comu “El Cosmopaletismo de la DOP, de vergoña”, “Solo falta Torrente” o “Esto paez flamenco…quita pallá, nun me prestó un res“. El razonamientu de base d’estes crítiques ye la incongruencia de querer vender daqué col argumentu de la so asturianía, utilizando pa ello música ya idioma foriatos. “Si ellos nun respeten la música d’equí -comenta un gaiteru- yo nun tendría porque respetar la so bebida por que seya d’equí”.

En cualisquier casu, esta promoción espeya a les clares que lo único asturiano que interesa a la DOP Sidra d’Asturies ye la mazana.

Nuria Prendes

This work is licensed under a Creative Commons Attribution 4.0 International License.