Los fondos covid nun van ser abondos pa compensar la perda económica derivada del descensu de les rentes mientres l’últimu añu
El financiamientu autonómicu nun se llibra de los efeutos de la pandemia y va ver bultablemente amenorgaos los sos recursos, cola consecuencia d’alredor de 73 millones de descensu nel financiamientu que l’Estáu apurre a Asturies, según preve l’últimu estudiu de Fedea (Fundación d’Estudios d’Economía Aplicada).
Nun círculu viciosu, la cayía d’ingresos de los asturianos va amenorgar los pagos a facienda, principal fonte d’ingresos del Sistema de Financiamientu Autonómicu (SFA), colo qu’al tiempu Asturies recibirá menos perres coles que furrular nesti exerciciu, clave pa la recuperación económica depués de los preslles impuestos pola situación sanitaria. Amás de los ingresos de facienda, esti Sistema recibe ingresos del Fondu de Suficiencia Global, el Fondu de Cooperación y el Fondu de Competitividá, que se financien con recursos estatales y nel presente exerciciu tamién de los fondos covid, que sicasí nun van poder cubrir les perdes derivaes de la cayía de la renta.
Nuria Prendes
This work is licensed under a Creative Commons Attribution 4.0 International License.
