Los “riders” lleven años lluchando por que se reconozan los sos drechos como trabayadores, lo que nun torga qu’empreses como Glovo sigan poniéndo en práutica midíes d’abusu llaboral qu’en munchos casos raspien la illegalidá

El 16 d’agostu los trabayadores denunciaron los incumplimientos llegales nos qu’incurre la empresa na so práutica diaria.
Glovo sigue saltándose la Llei Rider y l’Estatutu de el Trabayadores, calteniendo a los sos emplegaos como falsos autónomos, negándo-yos la posibilidá d’un contratu llaboral, un trabayu estable y un sueldu dignos, evitando la so cotización a la seguridá social y dexándolos poro ensin drechu al susidiu por desemplegu, baxes y la xubilación.
Amás, el sistema de trabayu en Glovo torga la conciliación familiar, yá que, denuncien “tamos suxetos tol día al trabayu pa consiguir sueldos cada vuelta más escasos, porque dende va meses, Glovo apierta ca vegada más”.
Denuncien tamién que,  cola entrada a valir de la Llei Rider, Glovo dio otra vuelta de tuerca, saltándose la llei y tratando de xenerar competitividá ente los sos emplegaos, negándose coles mesmes a dar información sobro’l códigu sancionador, “lo que nos dexa totalmente indefensos énte males valoraciones y sanciones”.
Por tollo na so denuncia presentada n’agostu piden al ministeriu y a xusticia que faigan cumplir la llei pa que se respete l’Estatutu de el Trabayadores y la Llei Rider, daqué qu’inclúi’l que se-yos contrate direutamente y pasena ser parte de la plantiya, abonándose-yos les cotizaciones pindies a la Seguridá Social y devolviéndo-y -yos les cotizaciones d’autónomos, que salieron del so bolsu.

Nuria Prendes