FAPAS denuncia la desapaición de los grupos familiares de llobos a los que se yos punxo collar de siguimientu con fines científicos

Énte les noticies qu’alantraben l’actual llei de proteición del llobu, el Gobiernu d’Asturies actuó abrasando la población de llobos nuna matanza ensin precedentes, pa la cual amás utilizaron la información  de llocalización  llograda del siguimientu que se taba faciendo a los llobos con voluntá científica.

Los collares del llocalización foron utilizaos pa matalos con toa facilidá, nun fechu ensin precedentes na hestoria de la investigación de fauna selvaxe n’Europa, l’usu d’un trabayu realizáu por científicos pa  masacrar una población d’animales.

Dende FAPAS afirmen que pudieron comprebar direutamente la participación, n’ocasiones d’hasta 10 miembros de la guardería del Principado d’Asturies, en batíes pa matar llobos dientro de los espacios protexíos.

Antemanábense asina a la nueva normativa que va desixir  pa esaniciar llobos xustificaciones bien concretes que tendrán de ser  demostraes con fechos reales y non con intereses puramente políticos, como fasta agora.

Llucía F. Marqués

This work is licensed under a Creative Commons Attribution 4.0 International License.