El presidente de la Fundación Asturies XXI urxió a crear una llexisllación específico pa la sidre ya una estratexa pa la industria sidrera n’Asturies, declarándose contentu cola evolución de los oxetivos del SISGA ya esperanzáu cola posibilidá de qu’esista una normativa europea que regule’l seutor

Na xornada d’ayeri tuvo llugar la entrega de premios del XI Salón Internacional de les Sidres de Gala 2021 col que finalizaba esti alcuentru sidreru que ya ye una referencia de la sidre de alta calidá a nivel internacional. En total participaron nel eventu 73 llagares con más de 230 sidres de países como EEXX, Francia, Portugal, Alemania, Chile, República Checa, Noruega, Polonia, Letonia, Italia, Perú, ente otros.

Depués d’once años de llabor nel camín de normalizar el consumu de les sidres “de copa”, internacionalizar la sidre asturiano y allegar a Asturies la sidre internacional, los organizadores del eventu consideren que’l SISGA ya algamando los sos oxetivos y son optimistes nel camín que lleva la bébora nacional, destacando la llabor de la DOP Sidra d’Asturies na meyora de la imaxe y la calidá de la sidre asturiana. Na so intervención Marcos Abel Fernández destacó tamién la esistencia d’una propuesta de llexisllación común pal seutor sidreru a nivel européu, un pasu alantre nel sen d’igualar en drechos y proteición llegal la sidre con otres bébores. Amás aportunó nel progresivu reconocimientu de los beneficios de la sidre a nivel mélicu, ya que se reconoz comu la única bébora con contenios en prebióticos y probióticos, amás de ser diurética ya’l restu de virtudes que la convierten nuna opción especialmente saludable. Na parte negativo, destacó la falta d’una estratexia específica pal seutor sidreru asturianu, la urxencia d’una llexisllación propia que nun te basada nes necesidaes del vinu y la falta de compromisu del gobienu asturianu, que lleven 15 años de retrasu na tramitación dende qu’anunciaron la propuesta d’incluyir la sidre comu Padremoñu Inmaterial de la Humanidá.

Pel so lláu Santos Tejón, Conceyal de Promoción Económica, Emplegu, Turismu y Comerciu Llocal de Xixón aceutó en nome del conceyu el retu d’espoxigar l’enfotu ya’l presupuestu pa potenciar la presencia de la sidre en Xixón -que ya ye’l conceyu con más consumu de sidre por persona y añu del mundiu-, cientrándose pa ello na ofierta turística venceyada a esta bébora.

Estes declaraciones tuvieron llugar demientres la entrega de los Premios SISGA, a lo llargo’l ‘Brunch de gala’ nel Restaurante Amares Gastronomía del hotel NH de Xixón,nel que se sirvieron les sidres presentaes al certame con propuestes gastronómiques diseñaes a costafecha pa maridar perfechamente coles sidres.

El reconocimientu ‘Prémium’ otórgase a la sidre de cada categoría con mayor puntuación, completando’l palmarés de les sidres oru, plata y bronce en función de la puntuación llograda. Anguañu los Premios SISGA reconocen 16 categoríes.

Los cinco llagares asturianos con reconocimientos ‘Prémium’son el llagar Panizales, de Mieres, que ganó cola so sidra Ati el Prémium a la Sidra de copa seca, Valverán 20 Manzanas de Masaveu Bodegas de Sariego algamó’l Prémium na categoría Sidra de Xelu, el llagar Casería San Juan del Obispo de Siero fízose col Prémium d’Aguardiente de sidre pol so productu Salvador del Obispo, Pomar Rosée del llagar Viuda de Angelón en Nava ganó’l Prémium Sidra rosada y Ramos del Valle Brut Nature obtuvo el Prémium de la cateogría Sidra espumosa brut nature.

El xuráu internacional d’esta edición tuvo conformáu pol presidente del tribunal Manuel G. Busto; l’espertu Joaquín Fernández; el profesor del CIFP d’Hostelería y Turismu d’Asturies Juan Luis García; la integrante del Clú Sierense de la Manzana Marta Roldán; l’importador portugués Jaime Felipe Barros; y los miembros de llagares nacionales e internacionales: Abraham Goldman-Armstrong de Noruega, Benito Peciña d’Euskadi, Luis Raviña de Tenerife, Christian Stolte de Escocia, Andrea Bonfatti de Italia, Liliana Nóbrega de Portugal, Marc L’hommeau de Francia, René Galindo de Chile, Joseph Barfield de Portugal y Daniele Porporato d’Italia.

Darréu axuntamos tolos ellaboradores nacionales ya internacionales que ganaron la distinción ‘Prémium’

Prémium SISGA Sidra de copa seca:  Ati del Llagar Panizales de Mieres, Asturies
Prémium SISGA Sidra de copa semiseca: Pussausais del llagar Mr. Plume de Letonia

Prémium SISGA Sidra de copa duce: Craft Cider Holzapfel del llagar Manufaktur Jörg Geiger d’Alemaña Prémium SISGA Sidra esplumoso brut: Seidear del llagar de Christian Stolte n’Escocia

Prémium SISGA Sidra esplumoso semiseca: Cidertalk by Provoco semiseca del llagar Cider Sekt de la República Checa
Prémium SISGA Sidra esplumoso duce: Cider Talk by Provoco dulce amarga del llagar Cider Sekt de la República Checa
Prémium SISGA Sidra de xelu: Valverán 20 Mazanes de Masaveu Bodegues en Sariegu, Asturies
Prémium SISGA Sidra de pera: 1797 C.-Bratbirnem del llagar Manufaktur Jörg Geiger d’Alemaña Prémium SISGA Llicor de sidra: BP Llicor de sidra del llagar Manufaktur Jörg Geiger d’Alemaña Prémium SISGA Aguardiente de sidra: Salvador del Obispu del llagar Casería San Juan del Obispu de Siero, Asturies
Prémium SISGA Sidra con sabores: SWO Cider del llagar Manufaktur Jörg Geiger d’Alemaña

Prémium SISGA Compuesta de sidra: !Wehmut del llagar Manufaktur Jörg Geiger d’Alemaña

Prémium SISGA Sidra de fueu: El so Sagardoa del llagar Kuartango d’Euskadi
Prémium SISGA Sidra rosada: Pomar Rosée del llagar Viuda de Angelón de Nava, Asturies
Prémium SISGA Sidra con lúpulu: South Seas Cider del llagar Tall ship de Noruega

Prémium SISGA Sidra esplumoso brut nature: Ramos del Valle Brut Nature DOP del llagar Sidra Fran de Llugones, Asturies.

This work is licensed under a Creative Commons Attribution 4.0 International License.